Хайрламын түүх

Шинэхэн брэндийн маань сайтад тавтай морил✨

Сайн байна уу! Намайг Нараа гэдэг. Би гурван хөөрхөн охины ээж, "Хайрлам" брэндийг үүсгэн байгуулагч.

Өөрийн бизнесээ эхлүүлж, шинийг бүтээх нь миний олон жилийн турш дотроо нандигнан тээсэн мөрөөдөл байлаа. Гэвч бүх л ээжүүдийн адил үр хүүхдийнхээ төлөө өөрийн хүсэл зорилгоо үргэлж хойш тавьсаар ирсэн юм. Харин одоо би мөрөөдлөө дахин хойш тавилгүй, гэрээсээ ажиллах боломжийг өөртөө үүсгэж, 'амжилт' ба 'аз жаргал'-ыг хамтад нь бүтээхээр шийдлээ. Хүүхдүүдийнхээ өсөлт хөгжил бүрийг дэргэдээс нь харж, халуун ам бүлээрээ оройн хоолоо идэх тэрхүү нандин мөчүүдээ алдалгүйгээр дуртай зүйлээ хийх нь миний гаргасан хамгийн зөв шийдвэр юм.

Миний хувьд гэр бүл үргэлж НЭГДҮГЭЭРТ

Бизнес бол тэднийхээ төлөө, тэднийхээ хажууд, тэдэнтэйгээ хамт ургадаг зүйл. Энэхүү аялал маань үнэхээр гайхалтай байх болно гэдэгт би итгэлтэй байна. Яагаад гэвэл үүнийг би ганцаараа биш, хайртай гэр бүл, хөөрхөн охидтойгоо хамт хийж байгаа явдал.

Hairlam Brand-тэй албан ёсоор танилцаж, биднийг дэмжиж буй танд баярлалаа. Бид таны охидод аюулгүй, тухтай, хамгийн гоёмсог загваруудыг үргэлж санал болгох болно.

Хүндэтгэсэн,
HAIRLAM BRAND-ийн үүсгэн байгуулагч З.НАРАНЧИМЭГ 💛

Түгээмэл асуулт, хариулт

Манай бүтээгдэхүүн, үйлчилгээтэй холбоотой нийтлэг асуултуудын хариултыг эндээс харна уу.

Энэ бол бүх ээжүүдийн №1 айдас = ХАРШИЛ.
Манай гоёл чимэглэлүүд нь 925 сорьцтой мөнгө, эмнэлгийн зориулттай 316L стандартын ган болон 18К алтаар бүрж хийгдсэн, никель агуулаагүй, харшил өгөхгүй (hypoallergenic) материалаар хийгддэг. Арьсыг ногооруулахгүй, цочроохгүй тул өдөр тутам сургууль, цэцэрлэг, унтахдаа ч зүүж болдог.

Манай ээмэгний түгжээ screw back буюу бат бөх эргэдэг түгжээтэй, хүүхэд мултлах эрсдэлгүй. Мөн нэмэлтээр резинэн ээмэгний ар дагалдуулах тул хаяж гээгдэх эрсдэл багасна.

Hairlam brand-ийн бүх гоёлууд нь /6 сар – 16 нас/ хүүхдэд зориулсан жижиг хэмжээтэй бөгөөд бяцхан чих, хуруу, хүзүүнд яг таарахаар эвтэйхэн, аюулгүй байдал, хэрэглээний онцлогийг нэн тэргүүнд бодож тусгайлан загварчлагдсан.

Гараа угаах зэрэг бага зэргийн усанд норох нь асуудалгүй. Гэхдээ удаан хугацаанд шинэхэн мэт гялалзуулахын тулд:
‣ усан бассейн
‣ химийн бодис-оос зайлсхийхийг зөвлөж байна.
Хэрэглээгүй үедээ хуурай газар хадгалах нь хамгийн тохиромжтой.

Тиймээ. Бүтээгдэхүүн бүрийг Hairlam brand-ийн гоёмсог хайрцагт савлах ба захиалга бүрт жижигхэн гэнэтийн бэлэг дагалдана.
🎁 Шууд бэлэглэхэд тохиромжтой, өхөөрдөм баглаа боодолтой.

Хүргэлт өдөр бүр хийгддэг бөгөөд 17 цагаас өмнө захиалсан бол тухайн өдрөө түүнээс хойш захиалсан захиалга дараа өдрөө хүргэгдэнэ.
Орон нутаг руу хүргэх боломжтой бөгөөд унаанд тавьж өгнө.

Мэдээж 💕Хэрэглээгүй, цэвэр бүтээгдэхүүнийг таарахгүй эсвэл таалагдахгүй бол буцааж солих боломжтой.
Буцаалт хийх заавар болон нөхцөлийг дэлгэрэнгүй хэсгээс харна уу.